លោក ត្រាំ ប្រើកណ្តាប់ដៃដែក ចេញបទបញ្ជាបង្កកទ្រព្យសម្បត្តិជនផ្តាច់ការ ជនពុករលួយ ព្រមទាំងក្រុមហ៊ុនទុច្ចរិត

Views លោក ប្រធានាធិបតី ស.រ.អា. Donald Trump កាលពីថ្ងៃសុក្រ បានចេញបទបញ្ជានីតិប្រតិបត្តិមួយដែលមានឈ្មោះថា ច្បាប់ និង យុត្តិធម៌។

បទបញ្ជានីតិប្រតិបត្តិនេះធ្វើឡើងដើម្បីបង្កកទ្រព្យសម្បត្តិរបស់បុគ្គលដែលជាប់ទាក់ទងនឹងការរំលោភបំពានសិទ្ធិមនុស្សធ្ងន់ធ្ងរ ឬ ជាប់ទាក់ទងនឹងអំពើពុករលួយ។ លោក ប្រធានាធិបតីសរសេរ ថា ការសម្រេចរបស់លោក គឺ តាម អំណាចរបស់លោកក្នុងនាមជាប្រធានាធិបតី ស្របតាមរដ្ឋធម្មនុញ្ញនិងច្បាប់ស.រ.អា.។

លោក ប្រធានាធិបតី សរសេរ ថា ខ្ញុំ Donald Trump ប្រធានាធិបតីស.រ.អា. បានកត់សម្គាល់ឃើញ ថា មានការ រំលោភសិទ្ធិមនុស្សធ្ងន់ធ្ងរនិងមានអំពើពុ រលួយ ដែលមានប្រភពទាំងស្រុង ឬ មួយផ្នែកនៅក្រៅ ស.រ.អា. ដូចជា បុគ្គល ដែលប្រព្រឹត្តអំពើនេះដោយខ្លួនឯង ឬ ដែលធ្វើតាមការបញ្ជារបស់គេ ដូចមានចែងក្នុងលក្ខខណ្ឌភ្ជាប់ក្នុងបទបញ្ជានេះ។