Views
ល្បែងស៊ីសងរីកដូចផ្សិត ប៉ូលីស ប៉េអឹម បង្ក្រាបបានតិចបំផុត តែដើរយកលុយដាក់ខែច្រើន ។ ខាងប៉ូលីសមានការិយាល័យព្រហ្មទណ្ឌកំរឹតស្រាលដើរប្រមូលលុយខែ ចំណែកប៉េអឹម មានឈ្មោះលុច ដើរប្រមូលលុយល្បែងប្រចាំខែដែរ ។
មន្ត្រីពុករលួយដែលយកតួនាទីទៅកាងល្បែងស៊ីសង ដើរប្រមូលលុយខែពីទីតាំងល្បែងស៊ីសង មិនកោតក្រែងញញើតអង្គភាពប្រឆាំងអំពើពុករលួយ ភាគច្រើនមានមេកើយកាងពីក្រោយ ។ រឿងនេះអាចជាករណីចង្វារចឹញ្ចឹមឆ្ដោរ បានជាគេរកស៊ីរលូនបែបនេះ ។
ពីថ្ងៃនេះតទៅមិនត្រូវយោគយល់ ឬ បន្ថយដៃចំពោះមន្ត្រីថោកទាបទាំងនោះទេ ថ្នាក់លើគួរស្ដាប់ព័ត៌មានរបស់ថ្នាក់ក្រោមហើយមានវិធានការណ៍ចំពោះមន្ត្រីយកតួនាទី ដើរប្រព្រឹត្តបទល្មើសដើម្បីប្រយោជន៍ផ្ទាល់ខ្លួនផង ។
បើគ្រាន់តែព្រមាន ប្រជាពលរដ្ឋអស់ជំនឿហើយ ។ ម៉ោងនេះពេលនេះ មន្ត្រីរូបណាខុសមិនត្រូវព្រមាន ឬ អប់រំទៀតទេ គួរតែដកចោលតែម្ដងទៅ ។
បើមានបទល្មើសធ្ងន់ធ្ងរគួរតែចាប់បញ្ជូនទៅតុលាការដើម្បីផ្ដន្ទារទោសតាមច្បាប់ ។ បើធ្វើបែបនេះបានប្រជាពលរដ្ឋនឹងមិនចង់ដូរទៅណាទេ ។
ល្បែងស៊ីសងធ្វើឲ្យកើតចោរកម្ម ហើយក៏កើតពាក្យក្នុងវង់ល្បែងជាច្រើន ដូចជា ឈ្នះល្បែង ទិញរបស់ ពេលចាញ់អស់ លក់របស់ លេងល្បែង ឬថា ចាញ់ល្បែង លួចរបស់ លក់របស់ លេងល្បែង ៕
ប្រភព ៖ ផែង វណ្ណៈ
Pdach Mok
Friday, November 24, 2017