លោកត្រាំចំអកហ៊ុន សែននៅសេតវិមានរឿងស្វាគមន៍មេដឹកនាំថៃនិងវៀតណាម ចំណែកឯលោក ហ៊ុន សែនចំអកឯកអគ្គរាជទូតអាមេរិកនៅភ្នំពេញរឿងបាញ់រះសម្លាប់មនុស្ស ៦០ នាក់

Views

នៅព្រឹកថ្ងៃទី ៤ ខែតុលា ឆ្នាំ២០១៧ នេះ សម្តេចតេជោបានចេញធ្វើប្រជាភិថុតិជាមួយកម្មករកម្មការិនី និង និយោជិតជាង ១ ម៉ឺននាក់ព្រមទាំងមានការចែកលុយដល់កម្មករកម្មការិនីទាំងនោះផង ដែលទង្វើនេះចាត់ទុកថាជាការទិញទឹកចិត្តមុនការឃោសនាបោះឆ្នោត នៅពេលនោះ
សម្តេចតេជោថ្លែងចំអកឡកឡឺយឡើងថា ៖ « វាជាការដើរផ្ទុយមួយជាមួយនឹងសំណូមពរ និងការប្រកាសរបស់អគ្គរដ្ឋទូតអាមេរិកនៅ ទីក្រុងភ្នំពេញ អគ្គរដ្ឋទូតអាមេរិកកាលពីមុនភ្ជុំ បែរជាធ្វើការដាស់តឿនដល់ប្រជាជនអាមេរិកដែលមកប្រទេសកម្ពុជាសុំអោយមានការប្រុងប្រយ័ត្នពីសន្តិសុខ ប៉ុន្តែវាមិនបានកើតរឿងនេះនៅប្រទេសកម្ពុជាឯណា វាបែរជាទៅកើតនៅសហរដ្ឋអាមេរិកខ្លួនឯង វាហាក់ដូចជាការចំអកមួយទៅឯកអគ្គរដ្ឋទូតអាមេរិក » ។
ដំណើរធ្វើប្រជាភិថុតិនៅថ្ងៃនេះ សម្តេចបានថ្លែងពាក្យចំដែលជាច្រើនទាក់ទងនឹងបក្សប្រឆាំង ។
ខាងក្រោមនេះជាភស្តុតាងបង្ហាញថា សម្តេចតេជោចែកលុយដល់កម្មករ ទាំងកម្មករក៏ញញឹមញញែមរីករាយនឹងទទួលយកព្រោះត្រូវនឹងភាសិតថា មនុស្សនឹងប្រាក់ យក្សនឹងសាច់ ត្រូវគ្នាប្រកាច់ ឲ្យប៉ុន្មានក៏យក៍ តែដល់ពេលបោះឆ្នោតគាំទ្រ គូសឲ្យបក្សផ្សេង ។